Medrwn eich helpu mewn llawer o wahanol ffyrdd. Hwyrach y bydd y gwasanaeth a gynigiwn yn tynnu ar unrhyw un os nad y cyfan o'r gwasanaethau isod. Mae'n bosibl na fydd eich problem chi yn cyd-fynd yn union â'r 'blychau' yma felly ffoniwch er mwyn i ni gael trafod. Ni fyddwch yn ymrwymo i ddim a chofiwch nad ydi gofyn yn costio dim!

Ymholiadau Priodasol ac Ysgaru:
Gallwn ddarparu adroddiad llawn i'ch cyfreithiwr. Eich penderfyniad chi fydd dewis gweithredu ar sail y wybodaeth a gyflwynwyd ai peidio. Mae gan y dynion a'r merched ar ein staff brofiad helaeth iawn yn y maes. Gallwn ddarparu tystiolaeth ffotograffig a fideo pan fo angen.

Adroddiadau Tawelwch Meddwl:
Byddwn yn darparu adroddiad llawn a diduedd i chi ar y pethau hynny nad ydych yn sicr ynglyn â nhw, gan ei gwneud yn bosibl i chi ddelio â'r mater, ac yna parhau â'ch bywyd.

Gwyliadwriaeth:
Pa un a oes angen ymchwiliwr unigol i gadw gwyliadwriaeth breifat neu dîm i ymgymryd ag ymchwiliadau diwydiannol neu gorfforaethol, bydd ein harbenigwyr yn barod i deithio i unrhyw ran o'r byd gyda'r cyfarpar mwyaf modern i sicrhau'r canlyniadau gorau ar gyfer ein cleientiaid.

Dadfygio:
Dywedir yn Saesneg fod gan waliau glustiau! Bydd ein cyfarpar dadfygio soffistigedig diweddaraf yn rhoi prawf ar hyn. Gallwn chwilio swyddfeydd bach a mawr, unedau ffatri, gwestai a chartrefi preifat ledled y wlad a ledled y byd. Gallwn eich helpu i ddiogelu'ch cynlluniau a'ch cynhyrchion.

Gwasanaeth Ffotograffig Llawn:
Ategir ein holl ymholiadau, sylwadau a chyfarwyddiadau gwyliadwriaeth gan dystiolaeth fanwl ffotograffig a fideo. Bydd y dystiolaeth ffotograffig, gyda'r amser a'r dyddiad, yn gymorth i ni gyflawni eich cyfarwyddiadau.

Systemau Diogelwch Aml-Gamera Cudd:
Mae gosod systemau camera cudd yn fodd i chi gael gwybod bod eich gweithwyr yn trin eich arian a'ch nwyddau mewn ffordd briodol. Byddwn yn eich helpu i ofalu bod eich busnes yn dal i wneud elw gyda chyn lleied â phosibl o golledion.

Cyflwyno Prosesau
Gwasanaeth cyflwyno personol ar gyfer dogfennau llys a phreifat, ar ran Cyfreithwyr ac ar ran Diwydiant. Mae ein swyddfeydd ar draws Cymru a Gogledd Orllewin Lloegr yn barod i gyflawni holl anghenion prosesu eich practis yn gyflym, effeithlon ac am bris hynod o resymol. Mi allwn gyflawni holl anghenion prosesu cwmnïau cyfreithwyr mawr a bach ledled Cymru, Lloegr, yr Alban a thramor. Beth am roi cynnig ar ein gwasanaeth rhagorol.

Ymchwilio Diwydiannol a Masnachol Cudd (Arbenigwyr):
Mae ein tîm o arbenigwyr wedi gweithredu cyfarwyddiadau o bob math ynglyn â thwyll diwydiannol, lladrata a thwyllo, mewn llawer o wledydd ledled y byd.

Ymchwilio i Dwyll:
Byddwn yn ymgymryd â phob math o ymchwiliadau i dwyll ar ran cleientiaid preifat a masnachol. O fewn y maes ymchwiliadau arbennig hwn bydd peidio â gweithredu yn gostus iawn i chi. Ffoniwch i gael cyngor ar y dull gorau o fynd i'r afael â'ch problem benodol chi.

Gwaith Amddiffyn Troseddol:
Mi fydd ein tîm profiadol iawn, sydd â blynyddoedd o brofiad yn y maes hwn, yn ymgymryd ag ymholiadau amddiffyn troseddol. Bu eu talent a'u gallu gyda'i gilydd yn gymorth i ddwyn llawer o achosion i'w terfyn.

Aseiniadau Dramor:
Bu gofyn i ni gynnal ymholiadau dramor dros nifer o flynyddoedd. Gyda'r Undeb Ewropeaidd yn integreiddio fwyfwy, mae hyn yn mynd yn fwy arferol. Mae'r profiad yma'n ei gwneud yn bosibl i ni wneud ein hymchwiliadau hyd yr eithaf ar ran ein cleientiaid.

Ymchwilwyr i Hawliadau Yswiriant:
Bu ein timau ymchwilio'n cynorthwyo yn achos hawliadau yswiriant twyllodrus sylweddol dros nifer o flynyddoedd, yn gwneud ymholiadau, cadw gwyliadwriaeth, recordio ffilm fideo o hawlwyr oedd â phob math o hawliadau annilys.

Adroddiadau ar Ddamweiniau Cerbydau:
Ymgymerir â hawliadau yswiriant damweiniau traffig ffyrdd, bras gynlluniau, tystiolaeth ffotograffig, adroddiadau lleoliad, cyfweliadau ac ymholiadau olrhain er mwyn helpu i gwblhau hawliadau.

Ymchwilwyr Troseddol, Sifil ac Yswiriant:
Cwblheir ymchwiliadau troseddol, sifil ac yswiriant gan y dynion a'r merched profiadol ar ein staff. Bydd eu gwybodaeth helaeth iawn yn y maes yn sicrhau y ceir y canlyniadau gorau gyda'u hymholiadau.

Mynd i'r Llys:
Mae'r cyfan o staff A1 Investigations Bureau Ltd yn barod i fynd i'r llys i roi tystiolaeth ynglyn â chanlyniadau eu hymholiadau.

Prawf Brynu:
Bydd ein timau prawf brynu yn teithio dros y wlad yn prawf brynu ar ran manwerthwyr mawr, gwestai, systemau cludiant a llawer o gwsmeriaid eraill, er mwyn amlygu unrhyw golledion a rhwystro iddynt ddal i gronni'n ddi-baid ymysg cwmnïau sy'n gleientiaid i ni. Mae'r llwyddiant mawr a brofwn yn y maes yn galluogi i'n cleientiaid sicrhau mwy o elw ac i gynnal ymddiriedaeth rhwng y rheolwyr a'r staff. Elfen hanfodol ar gyfer unrhyw fusnes llwyddiannus yw hyn.

Gwerthu Cyfarpar Cudd:
Gallwn gynnig cyngor a chyflenwi cyfarpar fyddai fwyaf addas ar gyfer eich anghenion.

Systemau Olrhain:
IOs ydych yn amau bod eich cerbydau yn mynd lle na ddylent yna mi allwn osod y systemau olrhain diweddaraf ynddynt. Maent yn cael eu cuddio'n ddiogel iawn yn y cerbyd a gellir eu holrhain o bell i fonitro eu lleoliad yn fanwl iawn o funud i funud.